ភ្នំពេញ ៖ បុរសជន ជាតិចិន ពីរនាក់ ដែលគេមិនទាន់ស្គាល់ អត្ដសញ្ញាណ ខណៈ កំពុងបើករថយន្ដស្ដារិច ពណ៌ទឹកប្រាក់ ពាក់ ស្លាកលេខ ឆ-១៨២២ភព២ ក្នុងទិសដៅពី ជើងទៅត្បូង តាមបណ្ដោយផ្លូវវ៉េងស្រេង ក្នុងភូមិជ្រៃកោង សង្កាត់ចោមចៅ ខណ្ឌ ពោធិ៍សែនជ័យ ស្រាប់តែឆេះ ផ្នែកខាងមុខ បណ្ដាលឱ្យផ្ទុះកង់ទាំងពីរ កាលពីរសៀលថ្ងៃ ទី២៥ ខែធ្នូ ឆ្នាំ២០១២ ប៉ុន្ដែត្រូវបានរថយន្ដ ពន្លត់អគ្គិភ័យរបស់សាលាខណ្ឌពោធិ៍សែន ជ័យ ជួយអន្ដរាគមន៍ទាន់ពេលវេលា ។
សេចក្ដីរាយការណ៍ពីសាក្សី នៅកន្លែង កើតហេតុ បានឱ្យដឹងថា ករណីនេះបណ្ដាល មកពីឆ្លងចរន្ដខ្សែភ្លើង ទើបឆាបឆេះយ៉ាង ដូច្នេះ ។ ប៉ុន្ដែករណីនេះ មិនបណ្ដាលឱ្យបុរសជនជាតិចិនទាំងពីរនាក់នេះរងគ្រោះថ្នាក់នោះឡើយ ។
