សមត្ថកិច្ចឃាត់ខ្លួន ជនសង្ស័យ ប្រុសស្រី ១១នាក់ រួមនឹងថ្នាំញៀន ចំនួន១៩កញ្ចប់ តូច

ភ្នំពេញៈ នៅថ្ងៃទី២៥ ខែមីនា ឆ្នាំ២០១៥ វេលាម៉ោង១៧កម្លាំងនគរបាលប៉ុស្តិ៍ចតុមុខ  និងខណ្ឌដូនពេញ ដឹកនាំដោយ លោកឧត្តមសេនីយ៍ត្រី វ៉ាន់កុសល្យ បានចុះបង្ក្រាបទីតាំងជួញដូរ និងប្រើប្រាស់គ្រឿងញៀន មួយ កន្លែង នៅផ្ទះលេខ១៦១ ផ្លូវ២៥២ ក្រុម៥០ សង្កាត់ចតុមុខ ខណ្ឌដូនពេញ ។

ប្រតិបត្តិការបង្រ្កាបនេះ កម្លាំងសមត្ថកិច្ច បានដកហូតបានទូហ្គេមបាញ់ត្រី ចំនួន០៤គ្រឿង (ចាប់ទុកនៅ សាលាខណ្ឌដូនពេញ) និងឃាត់ខ្លួនបានចំនួនមនុស្ស១១នាក់ (ប្រុស០៩នាក់ ស្រី០២នាក់) និងគ្រឿងញៀន ១៩កព្ចាប់តូច កាបូបចំនួន០៧   ទូរស័ព្ទដៃចំនួន០៤ នាឡិកាដៃចំនួន០១។

បច្ចុប្បន្នជនសង្ស័យប្រុស-ស្រី ខាងលើត្រូវបានធ្វើការឃុំខ្លួនជាបណ្តោះអាសន្ន រងចាំការដោះស្រាយ តាមនីតិវិធីច្បាប់៕