នាយឧត្តមសេនីយ៍ ម៉ឹង សំផន សម្ពោធសមិទ្ធផល នានាក្នុងវត្តបទុមរស្សី និងជូនអំណោយដល់់ពលរដ្ឋ

ស្វាយរៀង ៖ នាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ នារសៀលថ្ងៃទី៣ ខែមេសា ឆ្នាំ២០១៥ នេះ រួមជាមួយក្រុមគ្រួសារ និងប្រជាពលរដ្ឋក្នុងភូមិចេក ឃុំសំរោង ស្រុកចន្ទ្រា បានសម្ពោធសមិទ្ធផល នានាក្នុងវត្តបទុមរង្ស៉ី រួមនិងបានផ្តល់អំណោយ មួយចំនួនជួនដល់តាជី យាយជី និង ប្រជាពលរដ្ឋផងដែរ។

ក្នុងឱកាសសម្ពោធ សមិទ្ធផលនានា ក្នុងវត្តបទុមរង្ស៉ី ក្នុងភូមិចេក នាយឧត្តមសេនីយ៍ ម៉ឹង សំផន បានរំលឹកអំពីអតីតកាល ដែលតំបន់នេះ ត្រូវខ្ទិចខ្ទីដោយសារសង្គ្រាម ខូចខាតរាល់ ហេដ្ឋារចនាសម្ព័ន និងបានសម្លាប់ អាយុជីវិតមនុស្សផងដែរ។

បន្ទាប់ពីរាជរដ្ឋាភិបាល បានរំដោះប្រទេសជាតិ ពីរបបប៉ុលពត បូករួមទាំងការ ខិតខំប្រឹងប្រែងកសាង ប្រទេសជាតិដូចសព្វថ្ងៃនេះ កម្ពុជាក៏ បានអភិវឌ្ឍឡើងវិញស្ទើគ្រប់វិស័យ។

នាយឧត្តមសេនីយ៍ បានមានប្រសាសន៍បន្តទៀតថា នារសៀលនេះ លោករួម និងក្រុមគ្រួសារទាំងអសល់ ក៏ដូចជា ប្រជាពលរដ្ឋនៅទីនេះ បានរួមគ្នាធ្វើបុណ្យ ដើម្បីឧទិសកុសល ដល់បុព្វការីជន ក៏ដូចយុទ្ធជន ដែលបានពលីជីវិត ក្នុងបុព្វហេតុជាតិមាតុភូមិកន្លងមក។

សូមបញ្ជាក់ផងដែរ នៅរសៀលដដែលនេះ នាយឧត្តមសេនីយ៍ ម៉ឹង សំផន ក៏បានផ្តល់អំណោយ និងថវិកាមួយចំនួនរបស់ សម្តេចតេជូនដល់តាជី យាយជី១០០ នាក់ រួមនិងប្រជាពលរដ្ឋ ផ្សេងទៀតចំនួន៣០០ គ្រួសារផងដែរ៕