ភ្នំពេញ៖ បុរសម្នាក់ ត្រូវបានគេដឹងថា មានឈ្មោះ សុខ រ៉ាវុធ អាយុជាង៤០ឆ្នាំ បានប្រកាច់ស្លាប់ មួយរំពេច នៅមុខក្លឹបកំសាន្ត ទីក្រុងមាស ក្រោយពេលដែល ជនរងគ្រោះ បានចុះពីលើម៉ូតូឌុប កាលពី វេលាម៉ោង ៨៖៤០នាទីយប់ថ្ងៃទី២៦ ខែធ្នូ ឆ្នាំ២០១២ ។
សេចក្តីរាយការណ៍ ពីកន្លែងកើតហេតុ បានឲ្យដឹងថា មុនពេលកើតហេតុ ជនរងគ្រោះ បានជិះម៉ូតូឌុប ហើយមកឈប់នៅ មុខក្លឹបកំសាន្ត ទីក្រុងមាស ស្ថិតនៅតាម បណ្តោយផ្លូវ ព្រះមុនីវង្ស ក្នុងខណ្ឌចំការមន លុះមួយសន្ទុះក្រោយមក ស្រាប់តែ ជនរងគ្រោះ ប្រកាច់ស្លាប់តែម្តង ដោយមិនទាន់ ដឹងមូលហេតុ។
សេចក្តីរាយការណ៍បាន បន្តថា ក្រោយកើតហេតុ សមត្ថកិច្ច បានដឹកសពជនរងគ្រោះ ទៅតម្កល់ទុកនៅវត្តទួលទំពូង ដើម្បីធ្វើ កោសល្យវិនិច្ឆ័យបន្តទៀត។ បើតាមសាក្សីខ្លះបានឲ្យដឹងថា ជនរងគ្រោះត្រូវជា សាច់ញាតិ របស់លោករដ្ឋមន្រ្តី ក្រសួងកសិកម្ម ចាន់ សារុន ទៀតផង៕
Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.
