ស្ទឹងត្រែង៖ គ្រោះថ្នាក់ចរាចរមួយ រវាងម៉ូតូ និងម៉ូតូ នៅខេត្តស្ទឹងត្រែង បានធ្វើឲ្យអ្នកបើកបរ ពីរនាក់រងរបួស។ ភាគីដែលរងរបួសស្រាល ត្រូវបានក្រុមគ្រួសារ យកទៅសំរាកព្យាបាលនៅផ្ទះ ចំណែកភាគីម្ខាងទៀត រងរបួសធ្ងន់ ត្រូវបានបញ្ជូនយកទៅព្យាបាលនៅរាជធានីភ្នំពេញ។
សេចក្តីរាយការណ៍ពីខេត្តស្ទឹងត្រែងបានឲ្យដឹងថា គ្រោះថ្នាក់នេះបង្កឡើងដោយម៉ូតូ C 125 ពណ៌ខ្មៅដូចគ្នា ខណៈដែលអ្នកទាំងពីរជិះច្រាសទិសគ្នា នៅម៉ោង ៨ និង ៣៥ នាទី យប់ថ្ងៃទី២៥ ខែធ្នូ ឆ្នាំ២០១៥នេះ ។
ដំបូងឡើយភាគីដែលរងរបួសធ្ងន់ត្រូវបាន ក្រុមគ្រួសារបញ្ជូនៅកាន់មន្ទីរពេទ្យបង្អែកខេត្តស្ទឹងត្រែង ប៉ុន្តែដោយសារស្ថានភាពជំងឺធ្ងន់ធ្ងរ ក្រុមគ្រួពេទ្យនៅមន្ទីរពេទ្យបង្អែកខេត្ត ពុំមានលទ្ធភាពក្នុង ការព្យាបាល ទើបសម្រេចបញ្ជូន អ្នកជំងឺមកព្យាបាលនៅរាជធានីភ្នំពេញ៕
