ភ្នំពេញ៖ អ្នកនាំពាក្យរាជរដ្ឋាភិបាលកម្ពុជា និងជារដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានថ្លែងនៅព្រឹកថ្ងៃទី១៩ ខែ កុម្ភៈ ឆ្នាំ២០១៣ថា រាជរដ្ឋាភិបាល គាំទ្រឲ្យមានបក្សប្រឆាំង ដើម្បីធ្វើការប្រកួតប្រជែងគ្នា ជាអ្វីដែលលោកចាត់ ទុកថាជា កញ្ចក់ ឆ្លុះពីសកម្មភាពរាជរដ្ឋាភិបាល ។
លោក ខៀវ កាញារីទ្ធ បានមាន ប្រសាសន៍ប្រាប់ ក្រុមអ្នកសារព័ត៌មាន បន្ទាប់ពីបញ្ចប់សន្និសីទសារព័ត៌មាន មួយដើម្បី ពង្រឹង អ្នក សារព័ត៌មាន នៅទីស្តីការក្រសួងថា “ប្រសិនបើពុំមានបក្សប្រឆាំងទេ រាជរដ្ឋាភិបាលដូចជាជិះសេះលែងដៃអីចឹង។ ហើយរាជរដ្ឋាភិបាលចង់ឲ្យគណបក្សហ្វ៊ុនស៊ិនប៉ិច មានសំឡេងឆ្នោតកាន់តែច្រើន ដើម្បីធ្វើជាដៃគូរក្នុង រដ្ឋាភិបាលចម្រុះជា មួយគ្នាបន្តទៀត”៕
