Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

ក្នុងមួយសប្ដាហ៏ មានមនុស្សឃាត ២ករណី សមត្ថកិច្ចចាប់ជន សង្ស័យមិនបាន

0
0

តាកែវៈករណីជម្លោះ ពាក្យសំដីគ្នាបន្តិចបន្ទួច ហើយឈានដល់ការ ចាក់សម្លាប់គ្នា ក្នុងវង់ ស្រា បណ្ដាលឲ្យ ស្លាប់ភ្លាមៗនៅនិងកន្លែង ហើយជនសង្ស័យរត់ គេចខ្លួនបាត់បន្សល់ទុកតែ ជនរងគ្រោះដេកស្លាប់ ពីរករណី ស្ថិតក្នុងស្រុកទ្រាំង និងស្រុកដូនកែវ ខេត្តតាកែវ  ។

ករណីដែលជនរងគ្រោះ ត្រូវបានជនសង្ស័យចាក់ ២ដែកចុងស្រួច ស្លាប់នៅនិងកន្លែង គឺជនរងគ្រោះឈ្មោះ ចេន សុភា ភេទប្រុស អាយុ៣៥ឆ្នាំ រស់នៅក្នុងភូមិព្រៃសណ្ដែក ឃុំព្រៃស្លឹក ស្រុកទ្រាំង ដែលបុរសរូបនោះត្រូវបានជន សង្ស័យយកដែកចុងស្រួចចាក់ចំកណ្ដាលខ្នង ចំនួន២ដែកបណ្ដាលឲ្យ ស្លាប់នៅនិងកន្លែង ។

ជនសង្ស័យមានឈ្មោះចេន សំភាវិទូ អាយុ២១ ឆ្នាំ រស់នៅភូមិឃុំជាមួយជនរងគ្រោះ។ ករណីមនុស្សឃាតនេះ ត្រូវបានកើត ឡើងវេលា ម៉ោង២០និង៣០នាទីថ្ងៃទី១៣ ខែកុម្ភៈ ឆ្នាំ២០១៣។ យោងតាមមន្ដ្រីជំនាញបានឲ្យដឹងថា ទាំងជនរងគ្រោះ និងជនសង្ស័យបានផឹកស៊ីជាមួយគ្នា និងមានទាស់ពាក្យ សម្ដីគ្នាទើបធ្វើ ឲ្យជនសង្ស័យ យកដែកចុងស្រួចចាក់សម្លាប់តែម្ដង។

រីឯករណីទីពីរដែលយកកាំបិតចិតបន្លែចាក់ សម្លាប់គ្នានៅក្នុងវង់ស្រាដែរ នោះគឺជនរងគ្រោះ ឈ្មោះសំ តុញ ភេទប្រុស អាយុ២៩ឆ្នាំ រស់នៅភូមិព្រេច ឃុំរកាក្រៅ ស្រុកដូនកែវ ត្រូវបានជនសង្ស័យជាជនជាតិវៀតណាម គ្មានទីលំនៅនិងមុខរបរពិតប្រាកដម្នាក់ ឈ្មោះ ង្វៀង យ៉ាងប្រុងអាយុ២៣ឆ្នាំ ។

ករណីមនុស្សឃាតនេះ កើតឡើងនៅថ្ងៃទី១៦ ខែកុម្ភៈ ឆ្នាំ២០១៣ វេលាម៉ោង៥និង២០នាទីល្ងាច ដោយករណីខាងលើនេះ ទាំងជនសង្ស័យនិង ជនរងគ្រោះ បានជួបជុំគ្នាផឹកស៊ីតាំងពីម៉ោង៣រសៀល នៅផ្ទះជនជាតិវៀតណាមម្នាក់ ដែលជាថៅកែតិញអេបចាយឈ្មោះយាយណាំ ស្ថិតនៅក្នុង ភូមិត្រពាំងអង្គរឃុំរកាក្រៅ រហូតស្រវឹងធ្លាក់ភ្នែក និងបង្កឲ្យមានជម្លោះពាក្យសម្ដីបន្តិចបន្ទួច ទើបជនសង្ស័យរូបនោះ យកកាំបិតចិតបន្លែចាក់ សម្លាប់ជនរងគ្រោះចំដោះ ធ្លាយដល់បេះដូង ថែមទាំងវាយនិងចបជីក ទៀតផង បន្ទាប់ពីធ្វើ សកម្មភាពនេះរួចជនសង្ស័យ ក៏បានរត់គេចខ្លួនបាត់ទៅ៕


Viewing all articles
Browse latest Browse all 8042

Latest Images

Trending Articles





Latest Images