លុច្សស៊ីសព្រលះ គោយន្តស្លាប់ម្នាក់ លើផ្លូវជាតិលេខ ៤

កំពង់ស្ពឺ៖ លោក អ៊ឹម ថុល អាយុ៤៧ឆ្នាំ រស់នៅភូមិជ្រលងថ្កូវ ឃុំរសាំងចក ស្រុកសំរោងទង ខេត្តកំពង់ស្ពឺ ខណៈកំពុងបើកគោយន្តមកពីស្រែ នៅចន្លោះគីឡូម៉ែត្រ លេខ ៤៦-៤៧ លើផ្លូវជាតិលេខ ៤ មុខមន្ទីរសាធារណការ កាលពីវេលាម៉ោង ៥និង១៥នាទី ល្ងាចថ្ងៃទី០៣ ខែសីហា ត្រូវរថយន្តលុច្សស៊ីសមួយគ្រឿងបុកស្លាប់។

សេចក្តីរាយការណ៍ពីសមត្ថកិច្ចបានឲ្យដឹងថា រថយន្តលុច្សស៊ីស ពណ៌ខ្មៅ ពាក់ស្លាកលេខ ភ្នំពេញ 2D-4453 បានធ្វើដំណើរមកដល់ចំណុចកើតហេតុ ក៏បុកជនរងគ្រោះ ស្លាប់តែម្តង ប៉ុន្តែត្រូវសមត្ថកិច្ច ឃាត់រថយន្តបាន ហើយយកទៅរក្សាទុក ដើម្បីរង់ចាំការដោះស្រាយ៕