ភ្នំពេញៈ អតីតមេធាវីដែលល្បីល្បាញ ខាងបាញ់បោះ និងបង្កគ្រោះថ្នាក់ចរាចរ ហើយជាញឹកញាប់តែងតែ លិចមុខនៅតុលាការនោះ ត្រូវបានលុបឈ្មោះពីបញ្ជី គណៈមេធាវី តាំងពីថ្ងៃទី១៧ ខែកក្កដា ឆ្នាំ២០០៣ មកម្ល៉េះ។
យោងតាមសេចក្តីជូនដំណឹង របស់គណៈមេធាវីនៃ ព្រះរាជាណាចក្រកម្ពុជា ដែលមជ្ឈមណ្ឌលព័ត៌មាន ដើមអម្ពិល ទទួលបាននៅថ្ងៃទី១៩ ខែមីនា ឆ្នាំ២០១៣ នេះ បានឲ្យដឹងថា មេធាវី ដែលសម្បូររឿងអាស្រូវជាងគេ ដេវីដ ឆាណាយវា ត្រូវបានគណៈមេធាវីសម្រេច លុបឈ្មោះចេញពីបញ្ជី។
ក្នុងសេចក្តីជូនដំណឹង ដែលចុះហត្ថលេខាដោយលោក ប៊ុន ហុន ប្រធានគណៈមេធាវីនៃ ព្រះរាជាណាចក្រកម្ពុជា បានសរសេរថា “គណៈមេធាវីនៃ ព្រះរាជាណាចក្រកម្ពុជា មានកិត្តិយសសូមជម្រាបជូន ដល់សាធារណជនទាំងអស់ឲ្យបានជ្រាបថា លោក ដេវីដ ឆាណាយវា ឬ យូ ដេវីដ ស៊ីហេង ឬ ដាវីដ យូ ត្រូវបានគណៈមេធាវី សម្រេចលុបឈ្មោះចេញពីបញ្ជី គណៈមេធាវី ចាប់តាំងពីថ្ងៃទី១៧ ខែកក្កដា ឆ្នាំ២០០៣ មកម្ល៉េះ តាមសេចក្តីសម្រេចលេខ ៤១/សសគំ/០៣ ចុះថ្ងៃទី១៧ ខែកក្កដា ឆ្នាំ២០០៣៕
