Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

បាតុករតួកគី ទាមទារ ឲ្យរដ្ឋាភិបាល លាលែងពីតំណែង ក្រោយការ ផ្ទុះស្លាប់មនុស្ស រាប់រយនាក់ នៅ អណ្តូងរ៉ែ

0
0

អង់ការ៉ា ៖ ក្រុមបាតុកររាប់រយនាក់ បានប្រមូលផ្តុំគ្នាតវ៉ា នៅទីក្រុង អង់ការ៉ា ប្រទេស តួកគី កាលពីថ្ងៃ ព្រហស្បតិ៍ ដើម្បីទាមទារឲ្យរដ្ឋាភិបាលលាលែងពីតំណែង ដើម្បីជាភាពទទួលខុសត្រូវ សម្រាប់ការផ្ទុះ នៅអណ្តូងរ៉ែធ្យូងថ្ម សូម៉ា បណ្តាលឲ្យស្លាប់កម្មករយ៉ាងហោចណាស់ ២៨២នាក់ ។

ទីភ្នាក់ងារព័ត៌មានចិន ស៊ិនហួ ចេញផ្សាយ នៅថ្ងៃសុក្រ ទី១៦ ខែឧសភាថា សពយ៉ាងហោចណាស់ ២៨២ នាក់ ត្រូវបានគេយកចេញ ពីក្នុងអណ្តូងរ៉ែធ្យូងថ្ម ដែលផ្ទុះស្រុត ស្របពេលដែលកម្មករជិត ២៥០ នាក់ទៀត ត្រូវបានគេជួយសង្គ្រោះ ជីវិតទាន់ពេលវេលា ។ ដោយឡែកកម្មករ ១២០នាក់ផ្សេងទៀត ត្រូវ បានគេជឿជាក់ថា កំពុងជាប់ក្នុងអណ្តូងរ៉ែជម្រៅជាង ១គីឡូម៉ែត្រនោះនៅឡើយ ។

កាលពីថ្ងៃពុធកន្លងទៅនេះ លោកនាយករដ្ឋមន្ត្រីតួកគី រ៉ាសិប តាយយីព អឺដូហ្គេន បានទៅពិនិត្យភាពជាក់ស្តែង នៅអណ្តូងរ៉ែ ស្ថិតនៅទីក្រុងសូម៉ា ភាគខាងលិច ប្រទេសនោះដោយផ្ទាល់ ហើយលោកបានបញ្ជា ឲ្យធ្វើការស៊ើបអង្កេត រកមូលហេតុពិតប្រាកដ ដែលនាំឲ្យកើតគ្រោះថ្នាក់ដ៏អាក្រក់នេះ។ ជាងនេះទៅទៀត លោកនាយករដ្ឋមន្ត្រី បានប្រកាសកាន់មរណៈទុក្ខ ទូទាំងប្រទេសចំនួន ៣ថ្ងៃ ព្រមទាំង បង្ហូតទង់ជាតិមក នៅត្រឹមពាក់កណ្តាលដងផងដែរ ។

គួរបញ្ជាក់ថា ឧប្បត្តិហេតុ ផ្ទុះស្រុតអណ្តូងរ៉ែខាងលើនេះ បានកើតឡើងតាំងពីអង្គារ សប្តាហ៍នេះមកម្ល៉េះ ដោយកម្មករជាង ៦០០ បានបំពេញការងារ ៕


Viewing all articles
Browse latest Browse all 8042

Latest Images

Trending Articles





Latest Images