ភ្នំពេញ ៖ បុរសម្នាក់បានរងបួសធ្ងន់ ត្រូវបានដឹកទៅសង្គ្រោះភ្លាមៗខណៈដែលរូបគេជិះម៉ូតូក្នុងល្បឿន លឿន ជ្រុលបុកគូថរថយន្តស៊ីលីកា ពីក្រោយសង្ស័យជារឿង គំនុំ កាលពីវេលាម៉ោង ២និង៣០នាទី ឈាន ចូលថ្ងៃទី១៦ ខែឧសភា ឆ្នាំ២០១៤ នៅចំណុចមុខហាង ប៊ីប៊ីវើល តាមបណ្ដោយផ្លូវព្រះមុនីវង្ស ស្ថតិក្នុង សង្កាត់ចតុមុខ ខណ្ឌដូនពេញ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តស៊ីលីកា ពណ៌ស ពាក់ស្លាកលេខព្រះសីហនុ 2A-3766 ធ្វើដំណើរតាម បណ្ដោយ ផ្លូវ ព្រះមុនីវង្ស ក្នុងទិសដៅ ពីត្បូងទៅជើង លុះមកដល់ចំណុចកើតហេតុ រថយន្តបានចាប់ហ្វាំង ហើយត្រូវបានម៉ូតូម៉ាក TBR ពណ៌ក្រហម លាយខ្មៅ គ្មានស្លាកលេខ ធ្វើដំណើរស្របទិសគ្នា បានបុកពីក្រោយពេញទំហឹង បណ្ដាលឲ្យអ្នកជិះម៉ូតូ រងរបួសធ្ងន់ ត្រូវបានដឹកទៅសង្គ្រោះភ្លាមៗ ។
ក្រោយកើតហេតុ សមត្ថកិច្ចចុះមកដល់ចំណុចកើតហេតុ ធ្វើការវាស់វែងយកទៅរក្សាទុក នៅការិយាល័យ ចរាចរណ៍ជើងគោក ដើម្បីរង់ចាំដោះស្រាយពេលក្រោយ ៕
