ភ្នំពេញ ៖ បុរសម្នាក់បានរងរបួសធ្ងន់ ខណៈដែលរូបគេ កំពុងជិះម៉ូតូ ហើយត្រូវបានរថយន្ត ហាយឡែនឌ័រ បុកចំពីមុខពេញទំហឹង កាលពីវេលាម៉ោង ២១ និង១៥នាទីយប់ ថ្ងៃទី១៥ ខែឧសភា ឆ្នាំ២០១៤ នៅមុខ កងរាជអាវុធហត្ថខណ្ឌ ៧ មករា តាមបណ្ដោយផ្លូវលេខ ១៦ ស្ថិតក្នុងសង្កាត់វាលវង្ស ខណ្ឌ ៧មករា ។
តាមសាក្សី នៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ជិះម៉ូតូ ម៉ាក ស្កូបពីពណ៌ស ពាក់ស្លាកលេខសៀមរាប 1L-1722 ធ្វើដំណើរតាមបណ្ដោយផ្លូវលេខ ១៦១ ក្នុងទិសដៅ ពីជើងទៅត្បូង លុះមកដល់ចំណុចកើតហេតុ ស្រាប់តែមានរថយន្តហាយឡែនឌ័រ ពណ៌ស មិនចាំស្លាក លេខ ១៦១ ធ្វើដំណើរបញ្រ្ចាសទិសគ្នា ក្នុងល្បឿនយ៉ាងលឿន បានជ្រុលបុកចំពីមុខ យ៉ាងពេញទំហឹង បណ្ដាលឲ្យអ្នកជិះម៉ូតូ រងរបួសធ្ងន់ ចំណែករថយន្តបង្ក បានបើករត់បាត់ស្រមោលតែម្តង ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះ ដឹកទៅសង្គ្រោះនៅអធិការដ្ឋាន នគរបាល ខណ្ឌ ៧ មករា ដើម្បីរង់ចាំដោះស្រាយពេលក្រោយ ៕