ភ្នំពេញៈ បណ្តាមន្រ្តីជាន់ខ្ពស់ទូរគមនាគមន៍ អាស៊ានទាំង១០ បានមកជួបជុំគ្នា ដើម្បីផ្លាស់ប្តូរយោបល់ លើកិច្ចការធុរកិច្ចក្នុងតំបន់។
តំណាងមកពីប្រទេសសឹង្ហបុរី បានធ្វើបទបង្ហាញអំពីសំណើសុំតម្លៃផ្ទៃរាប ក្នុងប្រទេសជាសមាជិកអាស៊ាន ហើយក៏បានធ្វើការសម្រេចលើសំណើសុំនោះ ។ ប្រៃសណីយ៍សឹង្ហបុរី ក៏បានផ្តល់នូវតម្លៃចែកចាយបញ្ញើ ឆាប់រហ័ស អឺអឺមអេសអាស៊ាន និងបទបង្ហាញអំពីតម្លៃចែកចាយបញ្ចប់ នៃការចែកចាយប្រៃសណីយ៍ ដែលមានសារសំខាន់សម្រាប់បណ្តាប្រទេសអាស៊ានទាំងមូល។
យ៉ាងណាក៏ដោយមន្រ្តីជាន់ខ្ពស់អាស៊ាន ក៏បានពិភាក្សាគ្នាអំពើសំណើ របស់ប្រៃសណីយ៍អូស្ត្រាលី ដើម្បី ចូលរួមក្នុងប្រៃសណីយ៍អាស៊ាននាពេលអនាគត ជាមួយនឹងសម្រេចទទួលយកសំណើនោះ។
លោក អោក បូរ៉ា ប្រតិភូរាជរដ្ឋាភិបាលទទួលបន្ទុកប្រៃសណីយ៍កម្ពុជា ត្រូវបានអង្គប្រជុំបោះឆ្នោតជាអនុ ប្រធាន ខណៈប្រធានត្រូវបានជ្រើសតំណាងមកពីប្រទេសថៃ ហើយកិច្ចប្រជុំលើកក្រោយប្រព្រឹត្តទៅនៅ ទីក្រុងបានឌុងរឺ ហ្សាការតា នៃប្រទេសឥណ្ឌូនេស៊ី៕
