កណ្តាលៈ ប្រជាពលរដ្ឋចំនួន២០០ភូមិ ស្មើ១៧២០៤គ្រួសារ ក្នុងឃុំចំនួន១០ ត្រូវបាននគរបាលស្រុកអង្គស្នួល ចុះធ្វើអត្តសញ្ញាណប័ណ្ណ ដែលហួសសុពលភាព ជូនដោយពុំគិតថ្លៃ ដើម្បីឲ្យបងប្អូនប្រជាជន យកទៅប្រើប្រាស់ ជាប្រយោជន៍នានា បានតាមតម្រូវការ ពីព្រោះអត្តសញ្ញាណប័ណ្ណនេះ គឺមានសារៈប្រយោជន៍ ខ្លាំងណាស់ ដោយវាអាចផ្ទុកទិន្នន័យ របស់មនុស្សនៅក្នុងនោះផង ដែលជាកត្តាងាយស្រួល បំផុតសម្រាប់ បងប្អូនប្រជាពលរដ្ឋ។ យុទ្ធនាការចុះធ្វើនេះមានរយៈពេល១០ថ្ងៃ ចាប់តាំងពីថ្ងៃទី២៦ រហូតដល់ថ្ងៃទី៣១ ខែឧសភា ឆ្នាំ២០១៤។
លោក មាន សំណាង អធិការនគរបាលស្រុកអង្គស្នួលបានឲ្យដឹងថា ដោយសារតែមាន ការណែនាំ ពីឯកឧត្តមស្នងនគរបាលខេត្ត និងមានការណែនាំបន្ថែមពីលោកស្នងការរង ទទួលផែន ឲ្យលោកដឹកនាំកម្លាំង ចុះយុទ្ធនាការ ធ្វើអត្តសញ្ញាណប័ណ្ណ ជូនប្រជាពលរដ្ឋនៅក្នុងមូលដ្ឋាន ដែលជាអត្តសញ្ញាណប័ណ្ណ ហួសសុពលភាព ដើម្បីឲ្យប្រជាពលរដ្ឋ បានប្រើប្រាស់ទៅតាមតម្រូវការ របស់ពួកគាត់ពីព្រោះ អត្តសញ្ញាណប័ណ្ណគឺសំគាល់ អត្តសញ្ញាណយើងម្នាក់ ហើយអត្តសញ្ញាណប័ណ្ណនេះ គឺមានសារៈសំខាន់ ណាស់បងប្អូន ដែលអាចយកទៅប្រើប្រាស់ផ្សេងៗបានយយ៉ាងច្រើន ដូចជាស្នាក់នៅកន្លែងផ្សេង ឬខ្ចីលុយពីធនាគារ និងធ្វើអ្វីផ្សេងៗជាច្រើនទៀត ក្នុងការធ្វើដំណើរទៅណាមកណានោះ។
លោកបានបន្តថា យុទ្ធនាការចុះធ្វើអត្តសញ្ញាណប័ណ្ណនេះ គឺមានរយៈពេល៥ថ្ងៃ ចាប់ពីថ្ងៃទី២៦ខែឧសភា ឆ្នាំ២០១៤រហូត ដល់ថ្ងៃទី៣១ ខែឆ្នាំដដែល ហើយក្នុងរយៈពេល៥ថ្ងៃនេះ គឺផ្តល់ជូនប្រជាពលរដ្ឋបាន ២៥៦៥នាក់ ក្នុងនោះប្រុស១០៦៣នាក់ ចុះទៅដល់ក្នុងឃុំចំនួន១០ឃុំ ស្មើរនឹង២០០ភូមិ ដែលមានប្រជាពលរដ្ឋ១៧២០៤គ្រួសារ ។
លោកបានបន្តថា អត្តសញ្ញាណប័ណ្ណដែលផ្តល់ជូនប្រជាពលរដ្ឋនេះ គឺជាអត្តសញ្ញាណប័ណ្ណគំរូថ្មី ហើយ អត្តសញ្ញាណប័ណ្ណនេះ គឺមានសារៈសំខាន់ណាស់ ដោយសារវាខុសប្លែកពីអត្តសញ្ញាណប័ណ្ណ ចាស់ ពីព្រោះវាមានស៊ីមមួយអាចផ្ទុកទិន្នន័យរបស់យើងម្នាក់នៅក្នុងនោះ ហើយប្រសិនបើយើងចង់ ដឹងពីទិន្នន័យរបស់យើងភ្លាមៗ ហើយជាចុងបញ្ចប់លោកសូមផ្តែផ្តាំដល់បងប្អូនប្រជាពលរដ្ឋបន្ទាប់ពី ទទួលបានអត្តសញ្ញាណប័ណ្ណនេះយកទៅប្រើប្រាស់នោះ គឺត្រូវរក្សាទុកឲ្យបានគង់វង្សចៀសវាងបាត់ឬខូចខាត ហើយប្រសិនបើបាត់បង់ ដោយយថាហេតុនោះគឺត្រូវប្រញាប់រាយាការណ៍ប្រាប់នគរបាលមូលដ្ឋានជាបន្ទាន់ ខ្លាចក្រែងជនខិលខូច យកទៅប្រើប្រាស់ក្នុងផ្លូវមិនល្អ ធ្វើឲ្យគ្រោះថ្នាក់ដល់បងប្អូន ៕
ឪ
