ភ្នំពេញ៖ យោងតាម គេហទំព័ររបស់ អគ្គស្នងការ នគរបាលជាតិ បានឲ្យដឹងថា នាថ្ងៃទី២១ ខែមិថុនា ឆ្នាំ ២០១៤ មានគ្រោះថ្នាក់ចរាចរណ៍ នៅទូទាំងប្រទេស ០៨លើក (យប់ ០៤លើក), មានមនុស្ស ស្លាប់ ០២នាក់ (ស្រី ម្នាក់) រងរបួសធ្ងន់ ០៦នាក់ (ស្រីមា្នក់) និងរងរបួសស្រាល ០២នាក់ (ប្រុស)។
ក្នុងគ្រោះថ្នាក់ចរាចរណ៍ទាំង ០៨លើក បានបង្កឲ្យខូចខាតយានយន្តសរុប ១៣គ្រឿង ក្នុងនោះម៉ូតូ ១០គ្រឿង, រថយន្តធុនតូច ០២គ្រឿង និងរថយន្តធុនធំ ០១គ្រឿង ។
ប្រភពខាងលើ ឲ្យដឹងបន្តទៀតថា មូលហេតុដែលបណ្តាលឲ្យមានគ្រោះថ្នាក់ គឺបណ្តាល មកពី កត្តាល្បឿន ០៦លើក និងបត់គ្រោះថ្នាក់ ០២លើក ក្នុងនោះជិះម៉ូតូគ្រោះថ្នាក់ មិនពាក់មួក សុវត្ថិភាព ០៨នាក់ (យប់ ០២នាក់) ។
ចំពោះរថយន្ត ដែលទទួលរងការផាកពិន័យ នៅអង្គភាព នាថ្ងៃទី២១ ខែមិថុនា ឆ្នាំ២០១៤ នេះ មានចំនួន ៥០៤គ្រឿង គឺរថយន្តទេសចរណ៍គ្រួសារ ៥១គ្រឿង, រថយន្តដឹកអ្នកដំណើរ ធុនតូច ១៤៥គ្រឿង, រថយន្តដឹកអ្នកដំណើរធុនធំ ០៣គ្រឿង, រថយន្តដឹកទំនិញធុនតូច ៦៩គ្រឿង និងរថយន្តដឹកទំនិញធុនធំ ២៣៦គ្រឿង ។ រថយន្តទាំងអស់ខាងលើ បានបង់ប្រាក់ពិន័យរួចរាល់ នៅស្នងការដ្ឋាននគរបាលខេត្ត ៤៧០គ្រឿង និងនៅនាយកដ្ឋានសណ្តាប់ធ្នាប់ ៣៤គ្រឿង ៕
