កៀវ៖ ប្រធានាធិបតីថ្មីរបស់ប្រទេស អ៊ុយក្រែន ដែលទទួលបានការគំាទ្រ ពីប្រទេសលោកខាងលិចនោះ បាននិយាយកាលពី ថ្ងៃព្រហស្បតិ៍ថា លោកបានត្រៀមខ្លួន រួចជាស្រេចហើយ ដើម្បីចរចាសន្តិភាពជាមួយ ប្រធានាធិបតីរុស្ស៊ីលោក វ្លាឌីមៀ ពូទីន ដែលអាចនឹងបញ្ចប់ចលនា របស់ក្រុមបះបោរបំបែករដ្ឋបាន។
យោងតាមសារព័ត៌មាន បាងកកប៉ុស្តិ៍ ចេញផ្សាយនៅថ្ងៃទី២៧ ខែមិថុនា ឆ្នាំ២០១៤ថា ប្រធានាធិបតី ភីត្រូ ផរ៉ូហ្ស៊ិនកូ បានសម្រេចថានឹង ពង្រីកការចរចាដែលជាគ្រាប់ពូជ សន្តិភាពជាមួយនឹងបុរសខ្លំាងរុស្ស៊ី មុននឹងលោកចុះហត្ថលេខា សម្រាប់ជំពូកចុងក្រោយ នៃកិច្ចព្រមព្រៀងជាប្រវត្តិសាស្រ្ត ជាមួយសហគមន៍អឺរ៉ុប ដែលនឹងរុញច្រានអ៊ុយក្រែន ឲ្យក្លាយជាសមាជិករបស់អឺរ៉ុប ព្រមទំាងការដកសមាជិក ភាពរបស់រដ្ឋាភិបាលទីក្រុង មូស្គូ ចេញពីសមាជិកវិញ៕
