ភ្នំពេញ៖ នៅវេលាម៉ោង ៦និង២០នាទី ល្ងាចថ្ងៃទី២៦ ខែកក្កដា ឆ្នាំ២០១៤ នេះ មានរថយន្តកាមរីឆ្លាម មួយ គ្រឿង បានដាច់កាឡេ បណ្តាលឲ្យបុករបាំងដែក ពុះចែកទ្រូងផ្លូវ បាក់អស់ជាច្រើនផ្ទាំង ហើយក៏ជ្រុល ទៅបុក អ្នកបើកម៉ូតូវេវម្នាក់ទៀត បណ្តាលឲ្យរងរបួសស្រាល ស្ថិតនៅលើកំណាត់ផ្លូវសហព័ន្ធរុស្ស៊ី សង្កាត់ ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ក្រោយកើតហេតុ នគរបាលចរាចរណ៍ជើងគោករាជធានីភ្នំពេញ បានយករថយន្តស្ទូច មកស្ទូចរថយន្តបង្កហេតុ ទៅរក្សាទុកនៅអធិការដ្ឋាននគរបាល ដើម្បីដោះស្រាយទៅតាមផ្លូវច្បាប់៕