កំពង់ចាម ៖ កម្លាំងនគរបាល ស្រុកស្រីសន្ធរ ខេត្តកំពង់ចាម បានឃាត់ខ្លួនមុខសញ្ញា ចែកចាយ និងប្រើប្រាស់ គ្រឿងញៀន៣នាក់ កាលពីយប់ថ្ងៃទី២៧ ខែកក្កដា ឆ្នាំ២០១៤ ដោយដកហូតថ្នាំញៀន ប្រភេទក្រាមពណ៌សថ្លា ១កញ្ចប់ ។
សេចក្តីរាយការណ៍ ពីមន្រ្តី នគរបាល មូលដ្ឋាន បានឲ្យដឹងថា មុនពេលកើតហេតុ សមត្ថកិច្ច បានទទួលព័ត៌មាន នៃសកម្មភាព ចែកចាយគ្រឿងញៀន ទើបនគរបាល ចុទៅកាន់កន្លែងកើតហេតុ ក៏ឃាត់ខ្លួន បាន៣នាក់ ព្រមទាំងដកហូត សម្ភារះជក់ មួយចំនួនផងដែរ។
ក្រោយកើតហេតុជនសង្ស័យទាំងនេះ ត្រូវបាននាំខ្លួន និងឃុំខ្លួន ជាបណ្តោះអាសន្ន នៅអធិការដ្ឋាន នគរបាល ស្រុកស្រីសន្ធរ ដើម្បីចាត់ការបន្តទៀត៕