Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

ទិវាប្រណំាងកង់ អន្តរជាតិអង្គរ-សៀមរាប ឆ្នាំ២០១២ ចាប់ផ្តើមហើយ

0
0

សៀមរាប៖ ទិវាប្រណាំងកង់អន្តរជាតិ អង្គរលើកទី១ បានចាប់ផ្តើម ហើយនៅព្រឹកថ្ងៃទី១ ខែធ្នូ ឆ្នាំ២០១២ ដោយមានកីឡាករ-កីឡាការិនីជាតិ និងអន្តរជាតិចំនួន ៧០០នាក់ ចូលរួមប្រកួតប្រជែង។

ការប្រកាសបើការប្រកួតនេះ ធ្វើឡើងនៅព្រឹកព្រលឹមថ្ងៃទី១ ខែធ្នូ ដោយលោករដ្ឋមន្ត្រីក្រសួង ទេសចរណ៍កម្ពុជា ថោង ខុន និងជាប្រធាន NOCC លោកស៊ូ ភារិន្ទ អភិបាលខេត្តសៀមរាប ។ កីឡាករប្រណាំងក្នុង ទឹកមុខស្រស់ស្រាយ សប្បាយរីករាយ បានចេញពីគោលដៅភ្លាមៗ បន្ទាប់ពីឮសំឡេង សញ្ញាឲ្យចេញដំណើរ។

សម្រាប់ឆ្នាំ២០១២ នេះគឺជាលើកទី ១ ហើយដែលគណៈកម្មាការអូឡំាពិកកម្ពុជា(NOCC) សហការជាមួយដៃគូអន្តរជាតិ អង្គការភូមិគោលដៅអន្តរជាតិ ប្រារព្ធទិវាប្រណំាងកង់អន្តរជាតិនេះ ជាលក្ខណៈពេញសិទ្ធិ ខណៈដែល៦ឆ្នាំកន្លងមក ការប្រណាំងកង់អន្តរជាតិនេះ ជ្រកក្រោមទិវារត់ប្រណាំងពាក់កណ្តាល ម៉ារ៉ាតុងអន្តរជាតិអង្គរតែប៉ុណ្ណោះ។

អនុប្រធាន NOCC លោក នុត សាអាន និងជាប្រធានសហព័ន្ធខ្មែរទោចក្រយាន បានថ្លែងក្នុងពិធីជប់លៀង ទិវាប្រណាំងកង់អន្តរជាតិអង្គរ នៅយប់ថ្ងៃសុក្រ ទី៣០ ខែធ្នូ ឆ្នាំ២០១២ នៅសណ្ឋាគារសុខាអង្គរថា កីឡាករ-កីឡាការិនី ដែលចូលរួមប្រណាំងកង់ឆ្នាំ២០១២ នេះមានចំនួន ៧០០រយនាក់ក្នុងនោះ មានកីឡាករអន្តរជាតិចំនួន ៤២៨ នាក់ ដែលភាគច្រើនមកពី សហរដ្ឋអាមេរិក អង់គ្លេស អូស្ត្រាលី បារំាង ជាដើម។ ចំណែកកីឡាករ-ការិនីខ្មែរចំនួន ២៧២ នាក់ ។

លោកបន្តថា ចលនាជិះកង់ គឺជាសកម្មភាពសង្គមមួយ ដែលជួយដល់កិច្ចការងារបរិស្ថាន កាត់បន្ថយផ្សែងពុលបរិយាកាស ពិសេសការជិះកង់ គឺជាលំហាត់ប្រាណមួយដ៏មានប្រសិទ្ធភាពដល់សុខភាព ទាំងផ្លូវកាយ និងផ្លូវចិត្ត។ នៅប្រទេសជឿនលឿនដូចជា នៅទីក្រុងឡុងដ៍ ប្រទេសអង់គ្លេស បានយកចិត្តទុកដាក់ដល់អ្នកជិះកង់ ដោយរៀបចំផ្លូវជិះកង់ ពិសេសអបផ្លូវ រថយន្តពីព្រោះប្រជាពលរដ្ឋអង់គ្លេស ចូលចិត្តការកម្សាន្ត និងហាត់ប្រាណតាមរយៈជិះកង់នេះ។

លោកបន្ថែមថា «ទិវាប្រណាំងកង់អន្តរជាតិអង្គរនេះ ជាព្រឹត្តិការណ៍មួយដ៏សំខាន់រួមចំណែកដល់ ការទាក់ទាញភ្ញៀវទេសចរមកទស្សនាទីក្រុងសៀមរាប-អង្គរ និងជាសកម្មភាពការពារបរិស្ថាន ឆ្ពោះទៅកាន់ការអភិវឌ្ឍន៍ ទីក្រុងសៀមរាប អង្គរក្លាយជាទីក្រុងទេសចរណ៍ស្អាត និងបៃតង (Eco-City) នាពេលអនាគត»។

ក្នុងឱកាសនោះលោកនុត សាអាន ក៏បានថ្លែងអំណរគុណ ដល់អង្គការភូមិគោលដៅអន្តរជាតិ (Village Focus International) ដែលបានឧបត្ថម្ភ គំាទ្រ និងខិតខំប្រឹងប្រែងយ៉ាងសកម្ម សហការជាមួយសហព័ន្ធខ្មែរ កីឡាទោចក្រយានក្នុងការរៀបចំ ការប្រកួតកីឡាប្រណាំងកង់ ជាច្រើនឆ្នាំកន្លងមកនេះ។

គួរបញ្ជាក់ថា ចំណែកវិញ្ញាដែលត្រូវដាក់ ឲ្យប្រកួតមានចំនួន៣វិញ្ញាសា សម្រាប់កង់ ២ប្រភេទ (កង់កួក  និងកង់ដៃត្រង់) ។ វិញ្ញាសាទាំង៣នោះរួមមាន  វិញ្ញាសាចម្ងាយ១០០គីឡូម៉ែត្រ និងវិញ្ញាសាចម្ងាយ ៣០គីឡូម៉ែត្រ ជាវិញ្ញាសាដែលត្រូវទទួលបានរង្វាន់អនុស្សាវរីយ៍ ចំណែកវិញ្ញាសាមួយទៀត គឺចម្ងាយ ១៧គីឡូម៉ែត្រជាវិញ្ញាសាសម្រាប់ប្រកួត លក្ខណៈកម្សាន្ដ និងអបអរការប្រកួត៕

www.lookingtoday.com

www.lookingtoday.com

 

www.lookingtoday.com

www.lookingtoday.com

www.lookingtoday.com

www.lookingtoday.com

www.lookingtoday.com

www.lookingtoday.com

www.lookingtoday.com

www.lookingtoday.com


Viewing all articles
Browse latest Browse all 8042

Latest Images

Trending Articles





Latest Images