ពោធិ៍សាត់ ៖ ក្រុមការងារក្រសួង ធនធានទឹក សហការជាមួយ មន្ទីរធនធានទឹក ខេត្តពោធិ៍សាត់ នៅរសៀលថ្ងៃទី២៤ ខែសីហា ឆ្នាំ២០១៤ បានចុះជួយបូមទឹក សង្គោះស្រូវវស្សារបស់ ប្រជាពលរដ្ឋ នៅក្នុងសង្កាត់លលកស មាន៧ភូមិ ចំនួន ២២០ហិកតា ។
ប្រតិបត្តិការនេះ ធ្វើឡើងដោយមានការណែនាំ ពីលោករដ្ឋមន្រ្តីក្រសួងធនធានទឹក លឹម គានហោ ដោយសារនៅ ស្រូវរបស់ ប្រជាពលរដ្ឋ តំបន់ជួបគ្រោះស្ងួត អស់រយៈពេលប៉ុន្មានថ្ងៃមកហើយនោះ ។
មន្ត្រីក្រសួងធនធានទឹក បានឲ្យដឹងថា ក្រោយពីបញ្ចេញប្រតិបត្តិការនេះ ឃើញថាស្រូវរបស់ប្រជាពលរដ្ឋ បានលូតលាស់ ឡើងវិញជាធម្មតា ៕
