Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

អភិបាលរង ខណ្ឌមានជ័យ លោក ឌី រ័ត្នខេមរុណ បដិសេធថា មិនបានកាង ឲ្យឈ្មូញ ប្រកប អាជីវកម្ម ខុសច្បាប់

0
0

ភ្នំពេញ៖ បន្ទាប់ពីព័ត៌មានក្នុងស្រុក មួយចំនួន បានផ្សាយកន្លងមកថា មួយរយៈកន្លងមកនេះ មានភាពមិន ប្រក្រតីជាច្រើន បានកើតមានជាបន្តបន្ទាប់ ដោយសារតែអភិបាលរង ខណ្ឌមានជ័យម្នាក់ ត្រូវជាក្មួយថ្នាក់ដឹកនាំ សាលារាជធានី បានចេញមុខកាងឲ្យឈ្មួយ ប្រកបអាជីវកម្មខុសច្បាប់នោះ លោក ឌី រ័ត្នខេមរុណ អភិបាលរង ខណ្ឌមានជ័យ ដែលជាក្មួយថ្នាក់ដឹកនាំ សាលារាជធានីភ្នំពេញនោះ បានចេញមុខបដិសេធ ចំពោះការចោទ ប្រកាន់នេះ។

អភិបាលរងខណ្ឌមានជ័យ លោក ឌី រ័ត្នខេមរុណ បានថ្លែងបញ្ជាក់ លោកពុំដែលចេញមុខកាងឲ្យឈ្មួញ រកស៊ី ណាម្នាក់នោះទេ ជាពិសេសរឿងអនុញ្ញាត ឲ្យសាងសង់សំណង់អត់ច្បាប់ ក្នុងភូមិសាស្រ្តខណ្ឌមានជ័យ ក៏ដូច ជាអនុញ្ញាតឲ្យឈ្មួញដឹកដីតាមផ្លូវ និងដឹកដីទៅចាក់លប់បឹងជាដើម។

អភិបាលរងខណ្ឌរូបនេះ ក៏បានបញ្ជាក់ទៀតថា “ខ្ញុំពុំមានសមត្ថកិច្ចអ្វីចំពោះរឿងសំណង់ និងនិងរឿងអនុញ្ញាត ឲ្យដឹកដីតាមផ្លូវអ្វីនោះទេ ក៏ព្រោះខ្ញុំមិនមែន ជាអ្នកទទួលខុសផ្នែកសំណង់ ក្នុងខណ្ឌមានជ័យនេះ ការងារ បច្ចុប្បន្ន គឺទទួលខុសត្រូវផ្នែកពាណិជ្ជកម្ម កាកបាទក្រហមខណ្ឌ និងរឿងគ្រោះមហន្តរាយ ដូច្នេះពិតជាមិនមាន ពាក់ព័ន្ធអ្វី ទៅនឹងរឿងសំណង់ រឿងខ្សាច់នោះទេ ហើយក៏គ្មានសមត្ថកិច្ចទៅបិទ ឬបើកអាជីវកម្មនោះដែរ”។

ជាមួយគ្នានោះដែរ លោកក៏បានសង្កត់ធ្ងន់ថា ដោយសារភាពរីកចំរើន ក្នុងសង្គមជាតិ មួយរយៈពេលចុងក្រោយ នេះ សំណង់អគារខ្ពស់ៗ ក្នុងខណ្ឌមានជ័យ បានរីកដុះដាលជាខ្លាំង ប៉ុន្តែសំណង់ទាំងនោះ ៨៥ ភាគរយ នៅមិន ទាន់មានច្បាប់ សាងសង់នៅឡើយទេ ដោយឡែកវិញទៀត ស្ថានីយសាំង ក៏ដូច្នេះដែរ ក្នុងចំណោម១០ ស្ថានីយ១០ ពុំមានច្បាប់អនុញ្ញាត សឹងតែ៩២ ភាគរយ៕

Photo by DAP-News

Photo by DAP-News

Photo by DAP-News

Photo by DAP-News


Viewing all articles
Browse latest Browse all 8042

Latest Images

Trending Articles





Latest Images