ភ្នំពេញ ៖ បើទោះជាឆ្នាំសិក្សាថ្មី បានចាប់ផ្តើមហើយ ក៏ដោយ សិស្ស ដែលបានប្រឡង ជាប់បាក់ឌុប និងអ្នកដែលធ្លាក់ ហើយត្រៀម ប្រឡងលើកទីពីរ នៅដើមខែតុលាខាងមុខនេះ នៅតែមានឱកាស សិក្សានៅសាកល វិទ្យាល័យអាមេរិកាំងភ្នំពេញ(AUPP) ។
លោកChris Campbellអ្នកនាំពាក្យរបស់ AUPP បានប្រាប់មជ្ឈមណ្ឌល ព័ត៌មានដើមអម្ពិល ឱ្យដឹងថា AUPP បានចាប់ផ្តើមបវេសនកាលឆ្នាំសិក្សាថ្មី ២០១៤-២០១៥ របស់ខ្លួន កាលពីថ្ងៃទី១៥ ខែកញ្ញា ឆ្នាំ២០១៤ កន្លងទៅនេះ ។ ប៉ុន្តែដោយសារអាចមាន សិស្សានុសិស្សមួយ ចំនួន ដែលប្រឡង បាក់ ឌុបជាប់ ហើយតែមានការយឺតយ៉ាវ ឬទទួលព័ត៌មាន យឺតជាពិសេស សម្រាប់ប្អូនៗ ដែលត្រៀម ប្រឡង បាក់ ឌុបនៅពេលខាងមុខ AUPPបានបើកចំហរ និងចាប់ផ្តើមទទួល ពាក្យចូលរៀនវគ្គថ្មីមួយ លើកទៀត ដែលនឹងចាប់ផ្តើមនៅខែមករា ឆ្នាំ២០១៥ខាងមុខនេះ។ "នេះជាឱកាសដ៏ល្អ សម្រាប់ប្អូនៗ ដែលមាន បំណង មកសិក្សានៅសាកលវិទ្យាល័យដែលឈានមុខគេនៅប្រទេសកម្ពុជា។ យើងរីករាយ និងស្វាគមន៍ ប្អូនៗចាប់ពីថ្ងៃនេះតទៅ" នេះបើយោងតាមសំដីរបស់លោក Chris Campbell ។
AUPP ជាសាកលវិទ្យាល័យអាមេរិកាំង តែមួយគត់ នៅព្រះរាជាណាចក្រកម្ពុជា ដែលនាំយកកម្មវិធីសិក្សា របស់សាកលវិទ្យាល័យ នៅសហរដ្ឋអាមេរិកមក បណ្តុះបណ្តាលយុវនិស្សិតកម្ពុជា ដែលបង្រៀន ដោយ សាស្រ្តាចារ្យអាមេរិកាំង មានគុណវុទ្ធិជ្រៅជ្រះ និងមានបទពិសោធន៍បង្រៀនខ្ពស់ ទាំងនៅសហ រដ្ឋអាមេរិក និងនៅសាកលវិទ្យាល័យអន្តរជាតិនានា៕
ព័ត៌មានបន្ថែមសូមទាក់ទង៖ 023 990 023/ 097 325 8295/
