ទុកម៉ូតូខាងមុខផ្ទះ ត្រូវចោរកាច់ក យកទៅបាត់

ភ្នំពេញៈ ម៉ូតូC125មួយគ្រឿង ត្រូវជនមិនស្គាល់អត្តសញ្ញាណ កាច់កយកទៅបាត់ កាលពីម៉ោងប្រហែល ១៥និង១០ ថ្ងៃទី២៦ ខែកញ្ញា ឆ្នាំ២០១៤ ស្ថិតក្នុងភូមិ ព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។

បុរសជាម្ចាស់ម៉ូតូ ឈ្មោះឡុក ណារ័ត្ន អាយុ៣៤ឆ្នាំ រស់នៅក្នុងភូមិកើតហេតុបានឱ្យដឹងថា ម៉ូតូរបស់គាត់ ម៉ាកហុងដាសេ១២៥ សេរី២០១២ ពណ៌ខ្មៅ ពាក់ស្លាកលេខ1BE-6823 ហើយមុនពេលកើតហេតុ គាត់បានចត នៅខាងមុខផ្ទះ ហើយគាត់ក៏រវល់ធ្វើការងារផ្ទះបន្តិច ក្រោយមកគាត់ រកមើលបាត់ ហើយក៏មិនដឹងជាបាត់ តាំងពីពេលណានោះដែរ ។

ក្រោយមកគាត់បានមកដាក់ពាក្យបណ្តឹងនៅប៉ុស្តិ៍នគរបាលចោមចៅ ដើម្បីនគរបាល ជួយស្វែងរកមុខសញ្ញា ជនដៃដល់ យកមកផ្តន្ទាទោស ទៅតាមផ្លូវច្បាប់៕