ម៉ូនរ៉ូវៀ៖ ការគ្រប់គ្រងហានិភ័យ នៃជំងឺEbola នាពេលបច្ចុប្បន្ន នៅក្នុងប្រទេសលីបេរីយ៉ា បើយោង តាមការរាយ ការណ៍ របស់អង្គការសុខភាព ពិភពលោក ហៅកាត់ថា WHO បានឲ្យដឹងថា មានចំនួន ៨.៣៩៩ ករណី ហើយស្ទើ តែ១០០ភាគរយ ទៅហើយដែលជំងឺ ដ៏កាចសាហាវនេះស្ថិត នៅក្នុងអាហ្វ្រិកខាងលិច និងមានចំនួន អ្នកស្លាប់ ៤.០៣៣ករណី។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី១៤ ខែតុលា ឆ្នាំ២០១៤ នេះឲ្យដឹងថា នៅក្នុងរដ្ឋ ធានីម៉ូនរ៉ូវៀ នៅពេលដែលអ្នករាល់គ្នា ជួបគ្នា គឺមិនដែលចាប់ដៃគ្នាទៀតទេ ព្រោះដោយសារតែខ្លាចឆ្លង ជំងឺដ៏កាចសាហាវនេះ បានត្រឹមតែញញឹម ឫក៏ញាក់ចញ្ចើម ដាក់គ្នាតែប៉ុណ្ណោះ ហើយមនុស្សភាគច្រើន ពួកគេមិនចង់មានទំនាក់ទំនង ជាមួយអ្នកណាទាំងអស់។
ជាមួយនឹងការផ្សព្វផ្សាយនេះដែរ ស្ថានីយវិទ្យុភាគច្រើនចាក់ផ្សាយជាមួយ នឹងបទចម្រៀងថ្មីៗ ពាក់ព័ន្ធនឹង ជំងឺ Ebola ហើយសម្រាប់ប្រជាជនក្នុងស្រុកវិញ ពួកគេតែងតែជួប ពិភាក្សាគ្នា អំពីបញ្ហាជំងឺEbola នេះមិន ដាច់ពីមាត់ ឡើយ។ បើទោះបីជាមានរបាយការណ៍ មួយចំនួន មានមតិផ្ទុយគ្នា មេរោគឆ្លងនេះ មិនបាន បង្ហាញពីសញ្ញា ណាមួយ ស្ដីពីស្ថានភាពថមថយ នោះទេ ដោយសារតែមានមនុស្ស ក្រុមតូចៗដែលនៅតែ នាំគ្នាចូលទៅកាន់គ្លីនិក ដើម្បីព្យាបាលជំងឺ Ebola នេះ។
គួរបញ្ជាក់ផងដែរថា ប្រជាជនក្នុងស្រុកភាគច្រើនមិនបានជឿថា ជំងឺEbola នេះបាននឹងកំពុង ស្ថិតក្រោម ការ គ្រប់គ្រង នោះទេ ហើយពួកគេបានបង្ហាញពីការ ព្រួយបារម្ភជុំវិញភាពទន់ ខ្សោយក្នុងការថែទាំអ្នកជំងឺ ដោយ អ្នកជំងឺដែលកំពុងទទួល ការព្យាបាល និង បានស្លាប់កន្លងមកជាមួយ នឹងភាពជាប់សង្ស័យ ៕
