ហុងកុង៖ រដ្ឋមន្រ្តីក្រសួងហិរញ្ញវត្ថុ ហុងកុង លោក John Tsang បានសរសេរនៅក្នុង Blog របសគាត់ កាលពីថ្ងៃសៅរ៍ ទី២៦ ខែតុលា ឆ្នាំ២០១៤ថា បើក្រុមបាតុករ នៅតែបន្តធ្វើ របៀបនេះទៀត វាអាចបណ្តាលឲ្យ ប៉ះពាល់យ៉ាងធ្ងន់ធ្ងរ ដល់ដំណើរការ និង ច្បាប់នីតិរដ្ឋ របស់ហុងកុង។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអាទិត្យ ទី២៦ ខែតុលា ឆ្នាំ២០១៤នេះ ដោយផ្អែកតាម Blog របស់លោក Tsang បានឲ្យដឹងទៀតថា សកម្មភាពរបស់ ក្រុមបាតុករ មានដូចជា បិទផ្លូវ ឬមហាវិថី, ប្រឆាំងសេចក្តី សម្រេចតុលាការ, បង្ករអស្ថិរភាព និង ចលាចល វាមិនត្រឹមតែមាន ផលប៉ះពាល់ដល់ សេដ្ឋកិច្ចហុងកុង ប៉ុណ្ណោះទេ វាថែមទាំងបំផ្លាញ ដល់រដ្ឋាភិបាល ក៏ដូចជា ច្បាប់នីតិរដ្ឋផងដែរ ដែលធ្វើឲ្យទីក្រុងហុងកុង ក្លាយជាទីក្រុង អនាធិបតេយ្យ។ លោក Tsang បានសរសេរថា «ប្រទេស រ៉ូម មិនបានបង្កើតឡើង ក្នុងរយៈពេល ១ ថ្ងៃនោះទេ ប៉ុន្តែដោយសាតែ កំហុស ១ វាត្រូវបានបំផ្លាញខ្ទិច គ្មានសល់»៕
