ភ្នំពេញ៖ នារីម្នាក់ ត្រូវបានក្រុមជនប្រដាប់អាវុធពីរនាក់ ធ្វើសកម្មភាពយកកាំភ្លើងភ្ជង់ប្លន់ម៉ូតូ នៅម៉ោង៣៖៣០ នាទីទៀបភ្លឺ ថ្ងៃទី៦ ខែវិច្ឆិកា ឆ្នាំ២០១៤ ខណៈកំពុងធ្វើដំណើរដល់ចំណុចផ្លូវលេខ១៦៣ កែងផ្លូវលេខ៤៣២ ក្នុងសង្កាត់ទួលទំពូងទី១ ខណ្ឌចំលការមន។
សាក្សីនៅកន្លែងកើតហេតុបានឲ្យដឹងថា ភ្លាមៗបន្ទាប់ពីត្រូវបានជនប្រដាប់អាវុធប្លន់យកម៉ូតូ នារីរងគ្រោះបាន ទៅដាក់ពាក្យបណ្តឹងនៅប៉ុស្តិ៍នគរបាលទួលទំពូងទី១ បន្ទាប់មកក៏ត្រូវបានមិត្តភ័ក្តជូនត្រឡប់ទៅផ្ទះវិញ។
នារីរងគ្រោះដែលមិនព្រមប្រាប់អត្តសញ្ញាណខ្លួននោះ បានរៀបរាប់ឲ្យដឹងថា នាងនិងមិត្តភ័ក្តិបានជិះម៉ូតូ ជាច្រើនគ្រេឿងដើរលេងនៅរាត្រីបុណ្យអុំទូក ប៉ុន្តែខណៈជិះម៉ូតូស្កុបពីមកដល់ចំណុចកើតហេតុ ម៉ូតូរបស់នាងបានជិះដាច់ពីគេតែឯង ស្រាប់តែភ្លាមនោះមានជនប្រដាប់អាវុធ២នាក់ ជិះម៉ូតូស្កុបពី មកពីក្រោយហើយបានដកកាំភ្លើងភ្ជង់គំរាមនាងឲ្យចុះពីលើម៉ូតូ។
នារីរងគ្រោះបានបន្តទៀតថា ខណៈនាងបានចុះពីលើម៉ូតូ បុរសម្នាក់ដែលធ្វើសកម្មភាពប្លន់នោះ បានឡើងជិះម៉ូតូចេញទៅបាត់តែម្តង៕
