កណ្តាល ៖ បុរសម្នាក់ ស្រវឹងស្រា ហើយចុះងូតទឹកស្រះ បណ្តាលឲ្យលង់ស្លាប់ កាលពីវេលាម៉ោង១៦និង ៣០នាទីថ្ងៃទី៧ ខែវិច្ឆិកា ឆ្នាំ២០១៤ នៅចំណុចស្រះជីកមួយកន្លែង ស្ថិតក្នុងភូមិកណ្តាល ឃុំលំហាច ស្រុកអង្គស្នួល ខេត្តកណ្តាល ។
សមត្ថកិច្ចបានឲ្យដឹងថា ជនរងគ្រោះ ឈ្មោះ ឃឹម ជន់ ភេទប្រុស អាយុ ៤៤ឆ្នាំ មុខរបរ កសិករមាន ទីលំនៅ ភូមិកណ្តោស ឃុំលំហាច ស្រុកអង្គស្នួល ខេត្តកណ្តាល ។
សមត្ថកិច្ចបានបន្តថា មុនពេលកើតហេតុ ជនរងគ្រោះបានផឹកស្រា ស្រវឹងរួច ហើយបានដើរ ទៅងូត ទឹក នៅស្រះជីក ក្នុងដីឡូតបស់ឈ្មោះ ឈីន វុន តែម្នាក់ឯង ។ លុះម៉ោងប្រហែល ១៨ ទើបដឹងថា
បាត់ដើរ រកក៏ឃើញ ស្បែកជើង និង ខោ ស្រាតទុកនៅមាត់ស្រះ ក៏នាំចុះរាវរកប្រទះសាកសព នៅម៉ោង ១៩ និង៣៥នាទី ។
បច្ចុប្បន្ន សាកសព ត្រូវបានបងប្អូនដឹក យកមកទុកនៅផ្ទះ ដើម្បីធ្វើបុណ្យ តាមប្រពៃណី ៕
