ភ្នំពេញ៖ ក្រុមគ្រូពេទ្យស្ម័គ្រចិត្ត សម្តេច ជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នៅថ្ងៃ អាទិត្យ ទី២៣ ខែវិច្ឆិកា ឆ្នាំ២០១៤នេះ បានចុះព្យាបាលជំងឺជូនប្រជាពលរដ្ឋជិត ២ពាន់នាក់ នៅសង្កាត់កោះដាច់ ខណ្ឌជ្រោយចង្វា។
សកម្មភាពមនុស្សធម៌ចុះព្យាបាលជំងឺប្រជាពលរដ្ឋនាព្រឹកមិញនេះ ដឹកនាំដោយលោក អ៊ុំ សារិទ្ធិ ប្រធានក្រុមការ ងារថ្នាក់កណ្តាលចុះជួយខណ្ឌជ្រោយចង្វា និងលោក ឃ្លាំង ហួត អភិបាលខណ្ឌជ្រោយចង្វា។
យោងតាមក្រុមការងារបានបញ្ជាក់ថា ក្រុមគ្រួពេទ្យបានព្យាបាលជូនប្រជាពលរដ្ឋ ១.៩៤៧នាក់ ក្នុងនោះជំងឺភ្នែក ៥៧០នាក់ ជំងឺមាត់ធ្មេញ ៦១៤នាក់ វះកាត់ ២២នាក់ អេកូ ៧៨នាក់ ជំងឺទូទៅ និងកុមារ៦៦៣នាក់៕
