យុទ្ធនាការ បន្តផ្សព្វផ្សាយ និងណែនាំ លើអ្នកបើកបរ ពីការគោរពច្បាប់ ចរាចរណ៍ទាំងអស់គ្នា

បន្ទាយមានជ័យ៖ កម្លាំងនគរបាល នៃស្នងការខេត្ត សហការជាមួយ សាខាកាកបាទ ក្រហមខេត្ត  រួមទាំងយុវជន កាកបាទក្រហម វិទ្យាល័យហ៊ុនសែន ដើម្បីបន្តយុទ្ធនាការផ្សព្វផ្សាយ និងធ្វើការណែនាំ ចំពោអ្នកប្រើប្រាស់ យានយន្តលើផ្លូវសាធារណៈទាំងអស់ ឲ្យពីច្បាប់ចរាចជើងគោក ប្រតិបត្តិការ នេះចាប់ពីម៉ោង៦ល្ងាច រហូត ដល់ម៉ោង៧ និង៣០នាទីយប់ ថ្ងៃទី០៥ ខែធ្នូ ឆ្នាំ២០១៤ នៅលើផ្លូវជាតិលេខ៥ នៅត្រង់មុខអធិការដ្ឋាននគរបាលស្រុកមង្គលបូរី ខេត្តបន្ទាយមានជ័យ។

លោកសន គឹមសួគ៌ នាយការិយាល័យសណ្តាប់ធ្នាប់ចរាចរណ៍ជើងគោក ខេត្តបន្ទាយមានជ័យ បានថ្លែងថា ការចុះប្រតិបត្តិការនេះ ក្រោមការចង្អុលបញ្ហាពីលោកស្នងការខេត្ត ជាពិសេសតាមប្រសាសន៍ របស់សម្តេចតេជោសែន នាយករដ្ឋមន្ត្រី នៃព្រះរាជាណាចក្រកម្ពុជា ។

លោកបានបន្តថា ដោយយោងតាមបញ្ជា ដ៏រឹងមាំពីលោកស្នងការ លោកក៏បានបញ្ជា កម្លាំងនគរបាលចរាចរណ៍ស្រុកចំនួន ៤នាក់ ដឹកនាំដោយលោកហ៉ីង ហាន អធិការរងផែន សណ្តាប់ធ្នាប់ បានសហការណ៍ជាមួយ កម្លាំងនគរបាលចរាចរណ៍ ខេត្ត ៣នាក់ បុគ្គលិកសាខាកាកបាទក្រហមខេត្ត ២នាក់ស្រី និងយុវជនកាកបាទក្រហមវិទ្យាល័យហ៊ុនសែន មង្គលបូរី៥   បានចុះផ្សព្វផ្សាយ អប់រំអ្នកបើកបរ ម៉ូតូមិនពាក់មួកសុវត្ថិភាព និង អ្នកបើកបរក្រោមឥទ្ធិពលជាតិស្រវឹង រួមមានម៉ូតូសរុប ២២៧គ្រឿង មានពាក់មួក ៧៩គ្រឿង  មិនពាក់មួក ១៤៨គ្រឿង រ អ្នកបើកបរម៉ូតូមានជាតិស្រវឹងម្នាក់ រីឯរថយន្តសរុប១០៧គ្រឿង និង  ធ្វើតេស្ត អ្នកបើកបររថយន្តសរុប ៤១គ្រឿង មានជាតិស្រវឹង២នាក់  ព្រមទាំងបានចែក ខិតប័ណ្ណអស់ចំនួន ៦៥សន្លឹក ៕