ភ្នំពេញ ៖ កម្លាំងនគរបាលល្បាត នៃអធិការ ដ្ឋាននគរបាល ខណ្ឌសែនសុខ បានឃាត់ខ្លួន មុខសញ្ញា ចែកចាយនិងប្រើប្រាស់ថ្នាំញៀនពីរនាក់ ព្រមទាំងដកហូតថ្នាំក្រាមពណ៌ថ្លាមួយ កញ្ចប់តូច កាលពីយប់ ថ្ងៃទី៧ ខែធ្នូ ឆ្នាំ ២០១៤ ស្ថិតនៅក្រុមទី៥ ផ្លូវបេតុង ភូមិពោង ពាយ សង្កាត់ភ្នំញេថ្មី ខណ្ឌសែនសុខ ។
មន្ដ្រីនគរបាលព្រហ្មទណ្ឌខណ្ឌសែនសុខ បានឱ្យដឹងថា ក្រោយបញ្ចប់ការសួរនាំជន សង្ស័យទី១ ឈ្មោះម៉ែន ចាន់ដារ៉ារ៉េត អាយុ ២៧ឆ្នាំ មុខរបរកម្មករធ្វើស្លាកលេខម៉ូតូ ស្នាក់ នៅផ្ទះជួល ផ្លូវលំ ភូមិពោង ពាយ និង ជនសង្ស័យទី២ ឈ្មោះស្រី ធីម៉ង់ អាយុ២៦ ឆ្នាំ មុខរបរនៅផ្ទះ ស្នាក់នៅផ្ទះគ្មានលេខ ផ្លូវលំ ក្រុមទី៥ ភូមិពោងពាយ ។
សមត្ថកិច្ចបានបញ្ជាក់ថា មុនពេលឃាត់ ខ្លួនជនសង្ស័យទាំងពីរនាក់ ក្រោយពីកម្លាំង សមត្ថកិច្ចបានចុះ ល្បាត នៅក្នុងភូមិសាស្ដ្រ ពេលនោះដល់ចំណុចកើតហេតុ ក៏ប្រទះឃើញ ពួកគេទាំងពីរនាក់ ដោយមាន ការសង្ស័យក៏ ហៅឈប់សួរនាំ ស្រាប់តែរកឃើញថ្នាំក្រាម ពណ៌សថ្លាមួយកញ្ចប់តូច ។
ក្រោយឃាត់ខ្លួននិងពិនិត្យឃើញមានថ្នាំ ញៀននៅជាប់នឹងខ្លួនយ៉ាងដូច្នេះ សមត្ថកិច្ច ក៏បានសម្រេចបញ្ជូន ពួកគេទៅសួរនាំបន្ដនៅ អធិការដ្ឋាននគរបាលខណ្ឌសែនសុខ ដើម្បី ចាត់ការបន្ដតាមនីតិវិធី ។
