ក្រុងម៉ូណាកូៈ ក្រោយពីបញ្ចប់នៃការ ប្រកួតជម្រុះដែលបាន ចាប់ផ្តើមឡើងកាលពី ថ្ងៃទី០៣ កក្កដា ដល់ថ្ងៃទី៣០ សីហា ឆ្នាំ២០១២ នៅពេលនេះគឺបាន ចាប់ពូលរួចរាល់ហើយ សម្រាប់វគ្គ៣២ក្រុម ដែលចែកចេញ ជា៨ពូលមាន៤ក្រុម ក្នុង១ពូល (ដូចក្នុងតារាង ខាងក្រោម) ។
ការបន្តប្រកួតជម្រុះ ក្នុងពូលនីមួយៗនឹង ចាប់ផ្តើមឡើងនៅថ្ងៃទី១៨ ខែកញ្ញា ឆ្នាំ២០១២ និងបញ្ចប់ទៅវិញ នៅថ្ងៃទី២៥ ខែឧសភា ឆ្នាំ២០១៣ ដែលវគ្គផ្តាច់ព្រ័ត្រនឹង ធ្វើឡើងនៅពហុកីឡដ្ឋាន Wembley ស្ថិតក្នុងទីក្រុងឡុងដ៍ ប្រទេសអង់គ្លេស ។
ម្ចាស់ជើងឯករដូវ កាលឆ្នាំ២០១១-២០១២ គឺក្រុមតោខៀវ Chelsea របស់អង់គ្លេស ក្រោយពីបានទម្លាក់ ក្រុម Bayern Munich របស់អាល្លឺម៉ង់នៅវគ្គផ្តាច់ ព្រ័ត្រក្នុងទឹកដីរបសក្រុម Bayern Munich តែម្តង ។ ក្នុងការ ប្រកួតបើកឆាក UEFA Champions League រដូវកាលឆ្នាំ២០១២-២០១៣នេះ Chelsea បានរងបរាជ័យ ក្រោមថ្វីជើង Atletico Madrid របស់អេស្ប៉ាញ ១-៤ កាលពីយប់ថ្ងៃសុក្រ ទី៣១ សីហានៅក្នុងទីក្រុង ម៉ូណាកូ ប្រទេសបារាំង ៕
