Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

សាក្សីសំណុំរឿង ០០២/២ លើកឡើងថា វត្តនៅរបប កម្ពុជាប្រជាធិបតេយ្យ មិនអនុញ្ញាតឲ្យ ប្រតិបត្តិធម៌

0
0

ភ្នំពេញ៖ លោកស្រី អេលីសាប៊ែត ប៊ែកឃើ ដែលជាអ្នកនិពន្ធសៀវភៅមួយក្បាល ក្រោម ចំណងជើងថា «ក្រោយពីសង្រ្គាម បានរលត់ទៅ» និងជាអ្នកដឹងរឿងរ៉ាវច្រើន នៅក្នុងរបប កម្ពុជាប្រជាធិបតេយ្យ ត្រូវបានអង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក)កោះហៅ មកផ្តល់សក្ខីកម្ម នៅព្រឹកថ្ងៃច័ន្ទ ទី៩ ខែកុម្ភៈ ឆ្នាំ២០១៥ បានលើកឡើងថា វត្តអារ៉ាមនៅក្នុង សម័យនោះ មិនអនុញ្ញាតឲ្យព្រះសង្ឃ យាយជី តាជី ប្រតិបត្តិធម៌ឡើយ។

អ្នកនាំពាក្យសាលាក្តីខ្មែរក្រហម លោក នេត្រ ភក្រ្តា បានមានប្រសាសន៍ ប្រាប់មជ្ឈមណ្ឌលព័ត៌មាន ដើមអម្ពិល ថា ការផ្តល់សក្ខីកម្មរបស់លោកស្រី អេលីសាប៊ែត បានបញ្ចប់ហើយ នៅម៉ោង៤រសៀលថ្ងៃនេះ ហើយសវនាការនឹងបន្តនៅថ្ងៃស្អែកទៀត។

លោកបន្តថា ក្នុងសវនាការនេះ អ្នកនិពន្ធសៀវ «ក្រោយពីសង្រ្គាមបានរលត់ទៅ» បានឆ្លើយតបទៅនឹងព្រះរាជអាជ្ញា និងចៅក្រមទៅនឹងលោក អៀង សារីបានអញ្ចើញ លោកមកម្ពុជា នៅក្នុងអំឡុងខែធ្នូ ឆ្នាំ១៩៧៨។

លោកបញ្ជាក់ថា «លោកស្រីអេលីសាប៊ែត បាននិយាយថា អត់មានឲ្យគោរពព្រះ ពុទ្ធសាសនាទេ។ ហើយក៏មិនឲ្យថ្វាយបង្គំព្រះសង្ឃដែរ។ ហើយទឹកមុខប្រជាជន នៅក្នុងរបបនោះ ហាក់មិនមានការសប្បាយរីករាយទេ»។

លោកអ្នកនាំពាក្យបន្ថែមថា ចំណែកកុមារវិញត្រូវបាន ដឹកឲ្យចូលទៅក្រុមកងកុមារ ដើម្បីធ្វើកិច្ចការផ្សេងៗ។ លោកស្រីបាន ជួបសម្ភាសន៍ជាមួយ អៀង សារី និងប៉ុល ពតដោយ មិនបានអនុញ្ញាតឲ្យសួរសំណួរ អ្វីច្រើន នោះទេ ក្រៅពីសំណួរដែល បានរៀបចំទុកជាស្រេច ដើម្បីស្នើសុំការពន្យល់បកស្រាយ ពីថ្នាក់ដឹកនាំក្នុងរបបកម្ពុជា ប្រជាធិបតេយ្យ។ ក្នុងនោះ ប៉ុល ពត បានពន្យល់ពីស្ថានភាពនយោបាយ និងទំនាក់ទំនងជាមួយប្រទេសវៀតណាម។  នៅក្នុងដំណើរការរៀបចំ ឲ្យមានការបំពេញទស្សនកិច្ចនេះ មិនមែនមានតែលោកស្រីទេ គឺមានអ្នកកាសែតល្បីៗ ២នាក់ ថែមទៀត៕

Photo by DAP-News


Viewing all articles
Browse latest Browse all 8042

Latest Images

Trending Articles





Latest Images