ពោធិ៍សាត់៖ លោក ប៊ុន សុខ រដ្ឋលេខាធិការក្រសួងអប់រំយុវជន និងកីឡា និងលោក ខូយ សុខា អភិបាល ខេត្តពោធិ៍សាត់ កាលពីព្រឹកថ្ងៃទី ០៩ ខែកញ្ញា ឆ្នាំ២០១២ បានចូលរួមជាអធិបតីភាព ក្នុងការបើកកម្មវិធី ប្រកួត កីឡាគ្រប់វិញ្ញាសារក្របខណ្ឌទូទាំងប្រទេសដើម្បីជ្រើសរើសជើងឯកប្រចាំឆ្នាំ២០១២ ។
ពិធីនេះបានប្រព្រឹត្តឡើងនៅក្នុងបរិវេណពហុកីឡាដ្ឋានខេត្តពោធិ៍សាត់ នៅក្នុងពិធីនេះគេសង្កេតឃើញមានការ ចូលរួមពីមន្ត្រីអាជ្ញាធរខេត្ត និងប្រតិភូដឹកនាំកីឡាករមកពីតាមបណ្តាខេត្តក្រុង រាជធានីទាំងអស់ ក្នុង ព្រះរាជា ណាចក្រកម្ពុជា និងប្រតិភូដឹកនាំ ក្រុមកីឡាករគ្រប់វិញ្ញាសារ មកពីតាមបណ្តាក្រសួងនានា ក្នុងព្រះរាជាណា ចក្រកម្ពុជា ផងដែរ៕
