បន្ទាយមានជ័យ ៖ ផ្ទះប្រជាពលរដ្ឋមួយខ្នង ថ្មក្រោមឈើលើប្រក់ស័ង្កសី នៅចំណុចភូមិជ្រនៀង ឃុំគោកឃ្មុំ ស្រុកថ្មគោល បន្ទាយមានជ័យ ត្រូវបានអគ្គិភ័យឆេះបំផ្លាញ កាលពីវេលាម៉ោង៨និង១០នាទីព្រឹកថ្ងៃទី៣១ ខែធ្នូ ឆ្នាំ២០១៥នេះ ។
សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ-សាំង ស៊ន ភេទប្រុស អាយុ៧៧ឆ្នាំ ។
សមត្ថកិច្ចបានឲ្យដឹងថា អគ្គិភ័យនេះ បណ្តាលមកពីទុស្សេចរន្តភ្លើងនៅខាងលើផ្ទះ ហើយ ទ្រព្យសម្បត្តិ ដែលខូចខាតមិនមាន របាយការណ៍ច្បាស់លាស់ទេ តែឆេះអស់ម៉ូតូវ៉េវមួយគ្រឿង ៕
